కల యొక్కటి వచ్చినది కరిగి మరుగైపోయినది
తొలగిపోవుదాక యిది కలయే యని తెలియనిది
పంచషష్టివత్సరములు మంచిగా నడచినది
ఇంచుకసేపటిలో యిట్టే కరిగిపోయినది
మంచిమంచి జ్ఞాపకాలు మాత్రము మిగిలించినది
అంచితముగ నాజీవితమంతా పరచుకొన్నది
ఇంతమంచి కలనిచ్చి యెంతో సంతోషమిచ్చి
అంతలోనె దెబ్బకొట్టి ఆడుకొనుట మంచిదా
కొంతమంచి కొంతచెడుగు కూడినదే జీవితమా
పంతగించి యింతచేసినవాడా నిన్నేమందును
కలయెంత మంచిదైనా కరగిపోక తప్పునా
కల కరిగిపోయెనని పలవరించుట మంచిదా
వలదు మోహపాశమనుచు భావించి ఓరాముడా
కలగించితివా కష్టము కానీరా నీయిష్టము
