4, మే 2021, మంగళవారం

జయజయ జగదీశా

 జయజయ జగదీశా జానకీపతే

దయామయా దశరథాత్మజా నమస్తే


లీలాకృత బ్రహ్మాండజాల దేవ నమస్తే

నీలమేఘసుశ్యామ నిరుపమాన నమస్తే

వాలివధోచితధర్మవర్తన హరి నమస్తే

పౌలస్త్యకదళీవన ఖేలనగజ నమస్తే


భవపంకవిశోషణ భాస్కర హరి నమస్తే

భవాటవీదహనదావానల హరి నమస్తే

భవమదాంధసింధురబంధనచణ నమస్తే

భవభీతసముధ్ధరణపండిత హరి నహస్తే


వరభక్త హృదయదివ్యపద్మస్దిత నమస్తే

నిరుపమానసుగుణానీక యుక్త నమస్తే

కరుణావరుణాలయ పరమసుఖద నమస్తే

పరమహంససంసేవితచరణ హరి నమస్తే


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.