వెన్నవంటి మనసు నీకున్నది రామా

వెన్నవంటి మనసు నీకున్నది రామా నీ
కన్న దయాశాలి లేడు కాకుత్స్థ రామా

నిన్నే నమ్ముకుంటినిరా నిరుపమగుణధామ ఆ
పన్నశరణ్యాకృతి నాపాలిదైవమా
చిన్నమెత్తు ఆశలేని చీకటిదినమైనా నీ
చిన్నినగవు వెన్నెలతో శ్రీకరమగురా

భక్తకోటి నేలు వాడ పరమేశ్వరుడా నేడే
యుక్తిచేసి ప్రోవనైన శక్తుడ వీవే
రక్తిమీఱ దినదినమును రామచంద్రుడా బహు
భక్తితో నిన్నుపొగడు వాడను కానా

కరిరాజు నంబరీషుని కాచినవాడవు నీవే
సురవిరోధి పట్టిని సొంపుగ నేలి
సురవిరోధి సోదరుని కరుణించితివే నీ
వరభక్తుని సోదరుని కరుణించవా