నావాడే యంటినిరా నీవాడే యనుకోరా
కావరా రామచంద్ర కరుణజూపరా
బాధలు కన్నీళ్ళు నీవు బాగుగా నెఱుగుదువు
బాధంటే తెలియని బండవు కావు
వేధించెడు ప్రారబ్ధము సాధించు ఘడియలో
సాధుపోషక నీవు జాలిచూపరా
బంధుప్రేమ యెట్టిదో బాగుగా నెఱుగుదువు
బంధాలే తెలియని బండవు కావు
బాంధవుడవు సుజనులకు బహుప్రసిధ్ధిగ దీన
బాంధవుడవు జాలివహియించరా
నీవా రందరిని నేను నావా రనుకొందునురా
నావా రందరును కూడ నీవారేరా
భావనాతీతమహాప్రభావా నీదయలే
భావింతుము నీదయ వర్షించవయా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.