4, జులై 2020, శనివారం
ప్రభవించుటే తప్పు వసుధపై నరుడు
ప్రభవించుటే తప్పు వసుధపై నరుడు
విభుని మరచి యుంట వేరొక్క తప్పు
సిరులకై యాశించి చెడుటొక్క తప్పు
చిరకాల ముండునా చెడిపోక తను వని
గురుతించక ఎగిరి కూలుట తప్పు
నరహరీ చూపవే కరుణ యిసుమంత
ఆలుబిడ్డల కంగలార్చుట తప్పు
మేలైన సౌఖ్యాలు మేని కెంతద్దినా
కాలమోర్వమి తెలియజాలమి తప్పు
కాలాంబుదశ్యామ కరుణించ వయ్య
శ్రీరామనామము చింతించుమన్న
ప్రారబ్ధమున జేసి పతితుడై తాను
చేరి పరుల సేవ చేయుట తప్పు
కారుణ్యమూర్తివై కాపాడ వయ్య
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
చీ చీ నరులదేటి జీవనము - అని అన్నమయ్య చెప్పిన మాట నిండు నిజం.
రిప్లయితొలగించండిపాప కర్మలు కొండంత పుణ్య కర్మలు రవంత చేయక ఉండలేము. పుడుతూ చస్తూ బతుకు చక్రం లో బందీలమై బయట పడలేము.
గాడిద కేమి తెలుసు గంధము చెక్కల వాసన అన్నట్టు మీరు వ్రాసే కీర్తనల విలువ సంస్కార హీనులు ఎరుగలేరు.