25, అక్టోబర్ 2019, శుక్రవారం
ఏది దుఃఖ మైయుండు నేది మనకు సుఖమో
ఏది దుఃఖ మైయుండు నేది మనకు సుఖమో
లో దలంచి మేలు కాంచరో జనులారా
హరిచింతన మనకు గలుగ నంతవరకె దుఃఖము
హరిచింతన కలిగినదా యదియే సుఖము
హరిపూజ చేయకుండు నంతవరకె దుఃఖము
హరిపూజ మొదలైతే నదియే సుఖము
హాయి గొలుపు రామనామ మందుదాక దుఃఖము
హాయిగాను రామరామ యనుటే సుఖము
మాయనుండి తనచిత్తము మరలుదాక దుఃఖము
మాయకవలి రాముని మరగిన సుఖము
తానెవరో తనకెఱుకగు దాకనుండు దుఃఖము
తానాత్మరూపుడగుచు తనరుటయే సుఖము
మానక యజ్ఞానమేను మానవులకు దుఃఖము
జ్ఞానవంతులగు వారికి జరుగును సుఖము
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.