22, అక్టోబర్ 2019, మంగళవారం
శ్రీరామ లక్ష్మణులకు సీతమ్మ వారికి
శ్రీరామ లక్ష్మణులకు సీతమ్మ వారికి
నారచీర లందించె కూరిమితో కైక
మందస్మితవదనుడై మహాప్రసాదం బని
యందుకొని రఘునాథు డంతలో ధరించె
నందుకొని బుసబుసల నణచుచు కట్టుక చే
నంది విల్లు లక్ష్మణు డన్న వంక జుచె
చీర నందుకొని యంత చిన్నబోయి నిలబడె
నే రీతిని దాల్చుటో యెరుగని సీతమ్మ
శ్రీరామచంద్రు డంత చీరగట్ట సుదతికి
భోరుమనె నంతిపురి భోరుమనె రాజు
చల్లబడ్డవా నీ కళ్ళిప్పు డనె రాజు
చల్లబడు లోకమిక సత్య మనెను కైక
తల్లివి రాముని దయదలచవే యనె రాజు
తల్లిని కొడుకు మేలు తలచితి ననె కైక