అతడు సార్వభౌముడై యవని నేలగా
నతని స్వజనమే నిండి రన్ని చోట్లను
ప్రతిలేని రామసార్వభౌమునకు జయమని
యతి హర్షమున పలుకునట్టి వారి తోడను
చతురులై శ్రీరాముని జయగీతికలు పాడు
నుతశీలురు కవులు పండితులతో నొప్పె ధర
రూపుకట్టి ధర్మమే లోకమేలుచుండగ
శ్రీపతి యే యితడని సురలు పొగడుచుండగ
తాపసోత్తములు చేరి తనకు దీవనలీయ
కాపాడుచు నందరను ఘనతకెక్కె రాముడు
ఎప్ఫటికిని రాముడే యీనేలకు ప్రభువన
ఎప్పటికిని రామయశ మీనేలకు వెలుగన
ఎప్పటికిని రామనామ మెల్లరకు రక్షయన
తప్పక ధర నందరు దాశరథి స్వజనులే
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.