3, నవంబర్ 2014, సోమవారం

ఇతరులను గూర్చి చింతింప నేల నీకు




అన్ని వేళల నీకు నండయై యుండెడు
    వాని నర్చింపగా వలయు నీవు

అన్ని చోటుల నీకు నండయై యుండెడి
    వాని నర్చింపగా వలయు నీవు

అన్ని భవముల నీకు నండయై యుండెడి
    వాని నర్చింపగా వలయు నీవు

అన్ని విధముల నీకు నండయై యుండెడి
    వాని నర్చింపగా వలయు నీవు

వాని కంటెను హితుడైన వాడు గలడె
వాడు నీవాడు పెఱ లట్టి వారు గాదు
వాని నీశ్వరు నర్చింప వలయు గాని
ఇతరులను గూర్చి చింతింప నేల నీకు