17, నవంబర్ 2014, సోమవారం

విన్నపం బిదె నీ మాట వినవలతును







వినిపించెదను నీకు విన్నపం బొక్కటి
వివరంబుగా నీవు వినవలయును

ఇన్ని జన్మము లెత్త నేమిటి కో తండ్రి
యింకెన్ని జన్మంబు లెత్తవలయు

మరలమరల నేను మానవుండుగ బుట్టి
మానక చెడుచుండి మాయవలన

పాపపుణ్యంబుల వలలోన చిక్కుచు
క్రిందుమీదగుటేమి క్రీడ నీకు

మరియు నీ యంశ నేనను మాట యొకటి
పలుకుచుండెద వద్దాని భావ మేమి
నేను నీ వైన యెడమేల నీకు నాకు
విన్నపం బిదె నీ మాట వినవలతును