8, నవంబర్ 2016, మంగళవారం

అన్నిటికి నీవు నాకున్నావు


అన్నిటికిని నీవు నాకున్నావు లెమ్మని
యున్నాను నిను నమ్ముకున్నాను

అనుభవమ్మును జూచి యాదరించని వారు
వెనుక నా దొసగుల వెదకెడు వారు
అనువెఱిగి యధికుల మని యాడు వారు
కనబడుచున్నట్టి కాని కాల మిదియని
అన్నిటికి

ఈ వయస్సున గూడ నేవోవిలాసాల
భావించమని చెప్పువారి యొత్తిడుల
నే విధంబుగ ద్రోసి నీవలన నుందునో
యావంతయును బుద్ధికందక యున్న
అన్నిటికి

ప్రేమమీఱగ నీదు నామచింతనమె
నామత మగు గాక నా జీవితమును
నామార్గమున నడుప నా వలన కాక
రాముడా యిక నీవె రక్షించ మనుచు
అన్నిటికి



వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.