7, నవంబర్ 2016, సోమవారం

హరికృపయే మహదైశ్వర్యము


హరికృపయే మహదైశ్వర్యము
హరిస్మరణమె బ్రహ్మానందము

హరియనురాగమె యతిసంతోషము
హరిప్రసాదమతిపావనము
హరితో చెలిమియె యతివైభోగము
హరి తనవాడగు నరుడే ధన్యుడు
హరి

హరినామామృత మమితమధురము
హరిచరితమత్యధ్భుతము
హరిగుణగానమె తరుణోపాయము
హరి భక్తుడగు నరుడే ధన్యుడు
హరి

హరివిభూతియే యఖిలవిశ్వమును
హరికన్యము లేదనగ
హరియంశలె జీవాళి నందరును
హరియే రాముం డనుచు తెలియుము
హరి


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.