7, నవంబర్ 2016, సోమవారం

రాముని దాసుడవా మంచిది


రాముని దాసుడవా మంచిది యిక
ఆమడదూరం బరుగు కలి

భగవద్భక్తుల వంకకు పోవుట
తగదని భయపడు తంపులమారి
నిగమవేద్యుడగు జగదీశ్వరుని
పొగడువారల పొడగని పరుగిడు
రాముని

నీమ మొప్పగా నిరతము నీవు
రామమంత్రపారాయణము
ప్రేమమీఱగా వెలయించితివా
నీముందిక కలి నిలబడునా
రాముని

శ్రీరఘురాముని స్థిరనివాసమున
కోరి గుండెను గుడిగా చెసిన
ధీరుడవైతే తెలివితక్కువగ
చేరబోడు కలి చిక్కులు పెట్టగ
రాముని



వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.