21, నవంబర్ 2016, సోమవారం

పరమపురుష నీ భక్తుడ


పరమపురుష నీ భక్తుడ నేనని
నరులు తిట్టితే నగుబాటేమి

నే నిటు నమ్ముట నా నిర్ణయ మిది
నానాటికి నా నమ్మకము
మానగు చున్నది మరి నీ దయచే
దానికి నితరుల దయయేమిటికి
పరమ

దయచూపించెడు ధర్మప్రభుడవు
భయములను వారింతువు
రయమున భవసంగ్రామరంగమున
జయమును నాకు సమకూర్చెదవు
పరమ

సమకూర్చెదవు సకలార్థంబులు
భ్రమలను బాపి పాలింతువు
ప్రవిమలనీలోత్పలశ్యామ రామ
చివరకు నీలో చేర్చుకొందువు
పరమ



1 వ్యాఖ్య:

  1. స్వధర్మే నిధనం శ్రేయః - గుర్తొచ్చింది మీ ఈ కీర్తన చదవగానే!

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.