హరిని వేడుము హరిని చేరుము
ధరకిక నీవు తిరిగి రాకుము
సిరిపై మోహము నరునకు నాశము
హరిపై మోహము నరునకు మోక్షము
పరమసత్యమని భావనచేయుము
హరి హరి హరి యని హరినే చేరుము
హరికృప లేనిది హరిస్పృహ కలుగదు
హరికృప వలననె హరి స్ఫురియించును
పరమసత్యమిది భావన చేయుము
హరి హరి యను భాగ్యమునే పొందుము
పరమేశ్వరునే గురువుగ దలచుము
హరికృప జూచును హరిస్పృహ గలుగును
హరిమంత్రంబును హరు డపు డిచ్చును
హరేరామ యని హరిని చేరుదువు
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలు ప్రచురితం అవుతాయి.