నీ వినోదము కొరకు నే నాడుచున్నాను

 

నీ వినోదము కొరకు నే నాడుచున్నాను

నీ వాడు మనునటులే నే నాడుచున్నాను

ధర్మానుబంధమును తగిలించునది నీవు

కర్మానుబంధములు కల్పించునది నీవు

నిర్మోహముగ నాడ నియమించునది నీవు

శర్మదుడవగుచు నను శాశించునది నీవు

నీదైన యీయాట నే నాడుచున్నాను 

నాదైన యహమికయు నీదు సంకల్పమే

భేదములు వాదములు నీదు సంకల్పమే 

నీదివ్యలీలలో నేను పాత్రధారిని

ఆనందముగ నిట్టు లాడించుచున్నావు

ఆనందముగ నేను నాడుచునున్నాను

ఆనంద మిర్వురకు ననవచ్చునా చూడ

నేను నీకన్న వేరుగా నుంటినా రామ