17, ఏప్రిల్ 2015, శుక్రవారం

తానేమో నేనేమో



తానేమో నేనేమో
మానేమో యీ ఆటలు
నేను తనను వెదకుదునా
తాను దాగి నవ్వేనా

ఎందున్నా వని యందును
ఎందు లేనని నవ్వును
ఎందుకు దాగెద వందును
సందియము వలదనును
॥తానేమో॥
నేను తన తోటలో
తాను నాతో‌ ఆటలో
నే నెఱిగినది లేదు
తా నెఱుగనిది లేదు
॥తానేమో॥
వెదకి వెదకి కనుగొంటిని
తుదకు తాను నాలోనే
మెదటి నుండి యున్నాడని
వెదుకులాట వెఱ్ఱియని
॥తానేమో॥



వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.