13, ఏప్రిల్ 2015, సోమవారం

తపము తపమంటా రదేమయ్యా మరి యా తపము వలన ఫలిత మేమయ్యా






తపము తపమంటా రదేమయ్యా మరి యా
తపము వలన ఫలిత మేమయ్యా




తపము తపమన ధర్మపరుడై దాశరథినే నమ్మియుండుట
తపసి వెన్నుగాచి యుండుట దాని ఫలితము తెలిసికొనుము   
తపము



తపము తపమన యెల్లవేళల దాశరథినే తాను కొలుచుట
అపజయమ్ము లేక కోరిక లన్ని తీరుట దాని ఫలము         
తపము



తపము తపమన రామధ్యానము దాని ఫలితము బ్రహ్మఙ్ఞానము
తపము చేసి ఙ్ఞానియై పరతత్త్వమందే తాను కలియును          
తపము






2 వ్యాఖ్యలు:

  1. తపము వలన ఫలిత మేమయ్యా ?


    ఏవీ లేదు ! టైం బర్బాద్ తప్పించి ! అహం కాలోస్మి !

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. సమయం వృధా అవుతుందని ఎందు కనుకుంటారండీ? ఆ ఊహ సరికాదు.

      కాలోస్మిలోకక్షయకృత్ప్రవృధ్ధో అని భగవద్వాక్యం ఉన్నది కదా. కాలం అనే భగవత్స్వరూపమైన వనరును భగవచ్చింతనకే వినియోగించటంలో వృధా అయ్యేది ఏమీ ఉండదు. దానిని ఐహికతాపత్రయాలకు వెచ్చించటంలోనే అది వృధా అవుతూ ఉంటుంది.

      ఒక భౌతికవనరుగా కాలాన్ని భావించేవారు లోకపు భౌతికనియమాలలో నిలచి జీవించవలసి ఉంటుంది. అదే కాలాన్ని భగవసత్స్వరూపంగా ఎఱిగి వర్తించేవారు భౌతికమైన పరిమితులనుండి ముక్తులై భగవదేఛ్ఛను అనుసరించి లోకంలో వినోదిస్తూ హాయిగా ఉంటారు.

      తొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.