పరులను కీర్తించే పనియే లేదు
కోరితే సిరులన్నీ గోవిందు డిచ్చు గాని
మీరు వాటి కన్యులను కోర నేల
వారిచ్చు సిరులన్నీ వారికెవ రిచ్చినవో
నారాయణడా సిరికి నాథుడు కాదె
కోరితే మోక్షమది గోవిందు డిచ్చు గాని
మీరు దాని కన్యులను కోర నేల
వారైహికము లేవో ప్రసాదించ గలరేమో
నారాయణుడే యిచ్చు నరులకు ముక్తి
శరణన్న వారికెల్ల సర్వసంపదల నీయ
సిరిమగడే రాముడై ధరకు వచ్చె
నరులార వేడరే సిరులైన మోక్షమైన
హరిని మీరు కీర్తించి యన్ని విధముల
