4, సెప్టెంబర్ 2022, ఆదివారం

ఎందెందో దోషంబుల నెంచనేల

ఎందెందో దోషంబుల నెంచనేల మీరు
ముందు మీ దోషంబుల నెంచుకొనుడు

అద్దమును తుడువనేల యామురికి ముఖముపైన
కద్దైన వేళ వెఱ్ఱి కాకపోతేను
సద్దుచేయు కోరికలు చాల మనసులోన నుండ
పెద్దగా తిట్టనేల వెలిప్రపచంచమును

కరాంగుళుల మురికితో కనరైన నోగిరము
చిరచిర లవేల వంట చెడినదనుచును
దురాశల పూజలతో దొరుకకున్న ఫలలాభము
నిరాశను పొంది దైవనింద యేమిటికి

కామిని యని తిట్టనేల కాంచన మని తిట్టనేల
మీమనసుల మలినములు మిక్కుటమైతే
రామనామ స్మరణతోవి రాజిల్లు మనసుండిన
నేమి దోషములుతోచ విల రామమయము

కామెంట్‌లు లేవు:

కామెంట్‌ను పోస్ట్ చేయండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.