ఎందెందో దోషంబుల నెంచనేల

ఎందెందో దోషంబుల నెంచనేల మీరు
ముందు మీ దోషంబుల నెంచుకొనుడు

అద్దమును తుడువనేల యామురికి ముఖముపైన
కద్దైన వేళ వెఱ్ఱి కాకపోతేను
సద్దుచేయు కోరికలు చాల మనసులోన నుండ
పెద్దగా తిట్టనేల వెలిప్రపచంచమును

కరాంగుళుల మురికితో కనరైన నోగిరము
చిరచిర లవేల వంట చెడినదనుచును
దురాశల పూజలతో దొరుకకున్న ఫలలాభము
నిరాశను పొంది దైవనింద యేమిటికి

కామిని యని తిట్టనేల కాంచన మని తిట్టనేల
మీమనసుల మలినములు మిక్కుటమైతే
రామనామ స్మరణతోవి రాజిల్లు మనసుండిన
నేమి దోషములుతోచ విల రామమయము