వ్యామోహములు చాలు నయ్యా యికనైన
రామ రామా యన రాదా
కామితవరదుని కమలదళాక్షుని
రాముని కొలువగ రాదా
స్వామి కటాక్షము చాలును నాకని
నీమది నెంచగ రాదా
ఏది శాశ్వతమై యెసగును జనులకు
మేదినిపై నన రాదా
వేదవేద్యుడగు వెన్నుని తలచుచు
మోదము నందగ రాదా
రవికులతిలకుడె రక్షకుడన్నది
భువినిప్రసిధ్ధము కాదా
భవతారకమగు పావననామము
నవలంబించగ రాదా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.