మాయనుండి కాచు భజన మన హరిభజన
చరాచరసృష్టి నెల్ల సంకల్పమాత్రమున
హరియే చేయు ననుచు నాత్మలోపల నెఱిగి
పరాత్పరు డైన హరి పదునాల్గు భువనములు
పరిపాలన చేయు ననుచు బాగుగా లోనెఱిగి
భువనంబులు హరిజొచ్చి పొందు విశ్రాంతి యని
అవి యధాపూర్వముగ హరి చేయు నని యెఱిగి
రవిచంద్ర నేత్రు డప్రతిమాను డగు హరిని
పవలురేలు గొలుచువారు భవమింక పొందరని
హరి మహిమల నెన్నుచును హరి యశము చాటుచును
హరి యం దనురక్తి కలిగి హరియే మాలోకమని
హరియే మా దైవమనుచు హరిని శరణు వేడుచు
హరేరామ హరేకృష్ణ యనుచు సంతోషముగ
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.