26, సెప్టెంబర్ 2022, సోమవారం

మనసులోపల నున్న మారామునే

మనసులోపల నున్న మారామునే మేము
తనివార కొలిచెద మని యెఱుగుడు

వాడెంత సుముఖుడో వాడెంత సులభుడో
వాడెంత సరసుడో వాడెంత వరదుడో
వాడెంత మనసున్న వాడో జనులార
వాడెంత కరుణగల వాడో మా రాముడు

అన్ని వేళల పలుకు నట్టి మాదేవునే
అన్ని బాధల తీర్ఛు నట్టి మాదేవునే
అన్ని వరముల నిచ్చు నట్టి మాదేవునే
మన్నించి మమ్మేలు హరినే రామునే

సీతాసమేతుడగు శ్రీలక్ష్మణాగ్రజుడు
ప్రీతితో మాలోన విడిసియున్నా డిదే
ఆతని దయగల్గి యాతడే దేవుడని
మాతండ్రి యనుచును మారామునే