అన్ని యూళ్ళు మావే యందరు మావారే
అన్ని చోట్ల మాకు స్వగృహంబు లున్నవి
కల రన్నదమ్ములు కల రప్పచెల్లెండ్రు
కల రెందరో బందుగణ మన్ని యూర్లను
కలవు మాకు స్వగృహంబుల తోడ భూములును
కలవారు గాన మా తలిదండ్రు లనగ
ఏమేమొ పనులపై రామయ గారింటికి
భూమిజనాళి వచ్చిపోవుచుందు రెపుడు
ఏమూల మాతండ్రి రామయ్య గారి పేరు
శ్రీమంతమును గొప్ప చేయని వారున్నారు
చెలువుగ సీతారాముల సంతానమే
యిల నింతలింతలై యిన్నిన్ని యూళ్ళాయె
కలయ నందరికన్న ఘనులు మాపితరులు
తెలియుడీ భరతభూమి దివ్యరామభూమి
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.