హరిని కీర్తించ రం డమ్మలారా మీరు
హరిని కీర్తించ రం డయ్యలారా
హరేరామ యనుచు రం డమ్మలారా మీరు
హరేకృష్ణ యనుచు రం డయ్యలారా
హరేరామ హరేకృష్ణ యనుచు రం డందరును
హరే నారసింహ యనుచు నందరు రండి
పరమాత్ముని కీర్తించగ భక్తులారా మీరు
త్వరత్వరగ హరిభజనకు తరలి రండి
పరమహర్షము తోడ పరుగున రండి నేడు
హరిభజనానందంబున కందరు రండి
హరినామకీర్తనమే హరిగుణకీర్తనమే
హరికథావర్ణనమే యమితసుఖము
పరమాత్ముని కీర్తించు వారలదే పుణ్యము
హరిని పొగడి యాడిపాడ నందరు రండి
