వ్రాయించుట నీ‌ముచ్చట
వ్రాయుట యీ యాత్మ కీవు బహుమానముగా
చేయించెడు గౌరవమని
నా యాత్మేశ్వర యెఱిగి వినమ్రుడ నగుదున్
వ్రాయుచుంటి నన్న భావనయే లేదు
మాటలన్ని నీదు మహిమ చేత
పరచుకొనుచు నుండ బహుకీర్తనంబులై
నే నుపకరణమును నిశ్చయముగ
ఏమి కొఱత కలుగు నెవరు చదువకున్న
చదువ వచ్చునట్టి సజ్జనులకు
కొఱత లేదు సూవె కోదండరామ నీ
కరుణవలన నేటి వరకు నాకు
రారా విబుధవరేణ్యులు
రారా హరిభక్తియుతులు రారా మిత్రుల్
రారా మోక్షాపేక్షులు
రారా శ్రీరామచంద్ర రమ్యచరిత్రుల్
రాకపోరు రాకపోరు
నీ కొఱకని రాకపోరు
నాకు వారి రాక చాలు
నీకు వారి రాక చాలు
22, డిసెంబర్ 2020, మంగళవారం
రారా?
3 కామెంట్‌లు:
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
// “ ఏమి కొఱత కలుగు నెవరు చదువకున్న” //
రిప్లయితొలగించండిఅంతే కదా మరి.
మీకున్న అచంచలమైన రామభక్తి వలన మీరు చేస్తున్న రచనలు ఇవి. మీకు తృప్తి కలిగితే చాలు కదా.
మరొక సంగతి. చదివే వారుంటారు, ఉండరని కాదు. అయితే చదివిన వారందరూ స్పందించక పోవచ్చు. చదివి ఆస్వాదించి ఊరుకుంటారేమో అధికులు. అట్లే కానివ్వండి.
రాకాసుధాంశుచంద్రుడు,
రిప్లయితొలగించండిరాకాసుల పీచమడచు రాముడు, వచ్చే
దాకా నిరీక్షణయెయిది ,
రాకా మానం డిటకు, వరదుడుగ వచ్చున్ .