నిడుద నామము వా డతడు
పొడుగు చేతుల వా డతడు
నడుము సన్నని వా డతడు
వడిగల తూపుల వా డతడు
స్మరశతసముడగు వా డతడు
వరగుణనిథియగు వా డతడు
నరులకు పతియగు వా డతడు
అరులకు యముడగు వా డతడు
సురలకు హితుడగు వా డతడు
సురగణ నుతుడగు వా డతడు
సురరిపు విధ్వంసను డతడు
వరచరితుండగు వా డతడు
నిరుపమానుడగు వా డతడు
నిరమిత్రుండగు వా డతడు
పరమవీరుడగు వా డతడు
స్థిరయశస్కుడగు వా డతడు
పరము లొసంగెడి వా డతడు
పరమయోగిగణనుతు డతడు
పురుషోత్తముడగు వా డతడు
పరమాత్ముండగు వా డతడు
కువలయాక్షుడగు వా డతడు
భువనము లేలెడి వాడతడు
రవికులపతియగు వా డతడు
కువలయతనయా పతి యతడు
పవనజసంసేవితు డతడు
భవమోక్షణుడగు వా డతడు
భువి కరుదెంచిన హరి యతడు
అవునతడే మన శ్రీరాముడు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.