కలలోన నీకెవరు కనిపించినా రయా
కలలోన వేలుపులను కాంచితిని సీతా
కలలోన వేలుపులు సెలవిచ్చిన దేమని
ఇలమీదకి నీరాక యిందుకేనా యని
నిలదీసిరి సీతా నిష్ఠురములు పలికిరి
జలజాక్ష ఆమాటలు చాల చిత్రంబులు
వచ్చిన పని మరచితివని పలికిరి యది యేమో
అచ్చెరువా రామ నీవు యజనసంభవుడవై
వచ్చినా వేమొ వారి పనిమీదను భువికి
అచ్చముగ నాకు నదే యనిపించును సీతా
మాపని చెడరాదనుచును మాటలాడిరే
ఆపని యది యిట్టిదని అనరేల సీతా
ఈపట్టాభిషేకము నిపుడు కానిండు
రేపు మీకు తెలుపగలరు శ్రీవసిష్ఠు లదేమో
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.