ఏలుదొరా తాత్సార మేలదొరా రామదొరా
కాలునకు చిక్కకుండ కావవయా రామదొరా
పాపీ యని పిలిచి నన్ను పట్టుకొని పోవుటకై
యే పూటను వచ్చునో ఆనాడు కాలు డిటు
నీ పేరు చెప్పుకొన్న పోపొమ్మని విడచేనా
నాపాలిటి దైవమా నన్ను నీవు బ్రోవకున్న
ఎప్పటివో తప్పులన్ని యేకరువు పెట్టుగాని
యిప్పుడు నీభక్తుడ నని యించుక కరుణించునా
చెప్పరాని సైపరాని శిక్ష లతడు వేయునయా
చప్పున నీ వేలకున్న గొప్పచిక్కు లున్నవయా
నీ పాటలె పాడు వాడ నీ నామమె పలుకు వాడ
రేపు యముడు నిన్ను నన్ను రేవుపెట్టి తిట్టునేమొ
నీ పేరును చెడగొట్టిన నీచుడకా నోపనయా
ఆపైనను నీచిత్తము కాపాడుము రామదొరా
