వనజ గారి అమరావతీ... ఊపిరి పీల్చుకో.. అన్న టపా చూసాను .
ఆవిడ ఆ టపాను 24న వ్రాసినా, నేను మూడు రోజుల తరువాత నేడు 27న మధ్యాహ్నం దాకా చూడలేదు.
అమరావతి గురించీ, సందు చూసుకొని కొన్ని అరాచకశక్తులు చేస్తున్న అనవసర కులనిందల గురించీ ఆవిడ చాలా బాధపడుతున్నారు.
అక్కడ ఆవిడ బ్లాగులో నేను వ్యాఖ్యలను ఉంచలేను. అది వేరే విషయం.
కాబట్టి విడిగా నా స్పందన ఇలా నా బ్లాగు ముఖంగా వ్రాస్తున్నాను.
ఆవిడ అన్నది నిజం.
ఈరోజుల్లో వార్తల పేరుతో కనవచ్చేవీ వినవచ్చేవీ జుగుప్సాకరంగా ఉంటున్నాయి.
మన తెలుగుబ్లాగుల్లో ఐతే అంతా సో-కాల్డ్ పచ్చ బేచ్ v ఇన్ ఫాక్ట్ పిచ్చి బేచ్.
యుధ్ధవాతావరణం భీతావహంగా ఉంది.
నేను వార్తాపత్రికలు చదవటం మానివేసాను,
నేను వార్తల ఛానెళ్ళను విసర్జించాను.
నేను యూట్యూబులో వస్తున్న విశ్లేషణలను చూడటం లేదు.
నేను బ్లాగుల్లో వస్తున్న రొట్టనూ దూరం పెడుతున్నాను, వీలైనంత వరకూ.
నేను నా మొబైల్ నుండి వార్తల ఆప్ లను అన్నింటినీ తొలగించాను.
ఇవన్నీ చేసి కొద్ది రోజులు అయింది.
జరిగేది ఎలాగూ మనకు తెలియక పోదు కదా. పెద్ద ఇబ్బంది లేదు.
ప్రజలు గొప్ప మెజారిటీ ఇచ్చి తెచ్చుకున్న ప్రభుత్వం ఇది.
అందుచేత ప్రజలకు పర్యవసానాలను అనుభవించక తప్పదు.
జరిగే వన్నీ మంచికని అనుకోవటమే మనిషి పని అన్నాడు కవి.
అలా అనుకోలేదని వాళ్ళు పెరుగుట విరుగుట కొరకే అనుకుంటారేమో మరి.
నిజానికి చాలా మంచి జరుగుతోందని కూడా కొందరు అంటున్నారు.
ఇంగ్లీషు వాడిది, People get the government they deserve అని ఒక మంచి సామెత ఉంది.
అలా ఉంది పరిస్థితి అచ్చంగా.
ఈ తెలుగువాళ్ళని దేవుడే రక్షించాలి.
ప్రస్తుతం అకారణంగానో సకారణంగానో తెలుగువాళ్ళు తమను తామే బాగా శిక్షించుకుంటున్నారు.
ఇది నా అభిప్రాయం.
అందరికీ నా అభిప్రాయం నచ్చాలని లేదు.
(విషయం లేకుండా వీరావేశంతో ఎవరన్నా వ్యాఖ్యానిస్తే, అది వాళ్ళిష్టం. అది అచ్చు వేయటమా మానటమా అన్నది నా యిష్టం అని అందరూ గమనించగలరు.)
ఇది తెలుగు వారు చేసుకున్న పాపం. దీనికి నిష్కృతి లేదు. వచ్చే జన్మ ఉంటే నేను తెలుగు భాష ప్రేమికుడిగా పుట్టాలని, తెలుగు వాడిగా పుట్టకూడదని భగవంతుడిని కోరుకుంటున్నాను.
రిప్లయితొలగించండిమీ కోరిక తప్పక తీరుతుంది. ఆంధ్రత్వ మాంధ్రభాషాచ నాల్పస్య తపసః ఫలమ్ అన్నారు. మళ్ళీ మనం జనించే నాటికి తెలుగు మాతృభాషగా ఉండేవాళ్ళే ఉండరు, మనం ఆకుటుంబాల్లో పుట్టటానికి. అయినా ఆంధ్రభాషాభిమానం కలుగవచ్చును దానికేం, ఇంకా అక్కడక్కడా సంస్కృత భాషాభిమానం ఉన్నవాళ్లు లేరా.
తొలగించండి
రిప్లయితొలగించండిశ్యామలీయంవారు ఇంత నిరాశ చెందటమేమిటి ?
Seriously telling get out of this negative thinking.
జిలేబి
పరిస్థితులు ఎలా ఉన్నాయీ అన్నది మీకూ తెలుసు. నా నిరాశ ప్రత్యేకత ఏమీ లేదు.
తొలగించండిగట్టున కూర్చుని చెప్పడం తేలికే “జిలేబి” గారూ.
రిప్లయితొలగించండిమీరు నా కామెంట్ ఎందుకు ప్రచురించలేదు ? అందులో నేనేమి వ్యక్తిగత దూషణ చేయలేదే ?
రిప్లయితొలగించండికేవలం మీకు అనుకూలంగా ఉండేవి మాత్రమే ప్రచురిస్తారా ?
మిమ్మల్ని విడిగా సంప్రదించే అవకాశం (for ex: your email ads) ఉంటే ఎందుకు ప్రచురించనో చెప్పి ఉండేవాడిని నేరుగా.
తొలగించండిసరే, మీ వ్యాఖ్యలో ఏముంది? సవాలక్ష బ్లాగులూ బ్లాగర్లూ ఇప్పటికే రొదపెడుతున్న మాటలే కాక కొత్తగా?
మాటవరసకు ఒక వాక్యం "దొరికింది దొరికినట్టు దోచుకుని తిన్నారు పచ్చ తమ్ముళ్లు" మీ వ్యాఖ్య మొత్తం అంతా గత ముఖ్యమంత్రిని ఆడిపోసుకోవటం మినహా ఏమీ లేదు.
ఇక్కడకు వచ్చి అవకాశం దొరకబుచ్చుకొని మళ్ళా పచ్చ బాచ్ v పిచ్చ బాచ్ చర్చను మొదలాడటానికి యత్నిస్తున్నారు. అసందర్భం.
మీదే కాదు మరొక మిత్రులు పంపిన వ్యాఖ్యను కూడా ఇటువంటి కారణంతోనే తిరస్కరించవలసి వచ్చింది. ఆయనకు వనజ గారి వ్యాసంలో ఒక వాక్యం పట్టుకొని అనువుగా వ్యాఖ్యానించుకొని చర్చకు తెరతీయటానికి అవకాశం దొరికింది కాని ఆవిడ ఆవేదన మాత్రం ఎకసెక్కంగా అనిపించింది.
సకారణంగానే వ్యాఖ్యలు ప్రచురించ బడతాయి. అలాగే సకారణంగానే నిరాకరించబడతాయి.
గుర్తుంచుకోండి దయచేసి. వ్యాఖ్యలను సంపాదించటం కోసం నేను టపాలు వ్రాయటం లేదు.