22, జనవరి 2020, బుధవారం
వేదముల నెఱిగినా వేదాంత మెఱిగినా
(బేహాగ్)
వేదముల నెఱిగినా వేదాంత మెఱిగినా
శ్రీదయితుని కృపలేక చిత్తశాంతి లేదు
కనుల వత్తి వేసుకొని ఘనమైన శాస్త్రముల
మనసు పెట్టి చదువుకొని మంచిపండితు డైన
ఘనకీర్తిమంతుడై జనపూజితు డైన
తనకు లాభమేమి రామతత్త్వ మెఱుక పడక
గురువులే మెచ్చినా గురుపదమే దొరకినా
విరచించి గ్రంథములే విఖ్యాతి కెక్కినా
ధరను తన మాటయే పరమప్రమాణమైన
సరిసరి శ్రీరాము నెఱుగ జాలకున్న యెడల
నిరక్షర కుక్షి యైన నిర్భాగ్యుడే యైన
హరికృప గలవాడే యమితభాగ్యశాలి
పరమసంపన్నుడగు పండితోత్తముడగు
హరికృపయే లేక చిత్త మల్లకల్లోలము
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.