ముందెన్నడో రామమూర్తివై నీవు
సుందరి సీతకే సొంతమైతి వని
ఇపుడు గుర్తుకు వచ్చి యిందరిలో నీవు
విపరీతముగ నొక్క పైదలి సత్యకె
యుపలాలనము సేసి యూరకున్నా వంటె
తపియించ కుందుమె తక్కిన సతులము
పిలచి పెండ్లాడిన కులసతి రుక్మిణి
చులకనయై తోచు చున్నట్లు తేలును
కులుకుచు నిందర గోపాల పెండ్లాడి
వలపంత సత్యకె పంచు టొప్పదయ్య
దాససంపోషక దాశరథివి నీవు
ఆ సీత వైదర్భి యన్నది నిజము
చేసికొంటివి నేడు చెలగి మమ్మందర
మోసగించకు నాటి ముచ్చట జెప్పి
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.