22, సెప్టెంబర్ 2019, ఆదివారం
సరగున రక్షించ నీకు సమయమే లేదా
సరగున రక్షించ నీకు సమయమే లేదా
నరపతి నిన్ను నేను నమ్మితి గాదా
రామ రామ రామ యని ప్రేమతో స్మరించు న
న్నేమని పట్టించుకొనవు స్వామి చెప్పుమ
ఏమి వరము లడిగి నిన్నెప్పుడు విసిగించితిని
తామసించు చున్నావు దశరథాత్మజ యిటుల
మణులను నిన్నడిగితినా మాన్యంబు లడిగితినా
అణిమాదిక సిధ్ధులనే అర్ధించితినా
అణచుమంటి భవతాప మంతియే కాదటయ్య
గుణభూషణ యట్టులడుగ కూడదా చెప్పవయ్య
శరణు శరణు రామ యన చక్కగా కాచెదవని
ధరమీదను పేరువడ్డ దయాశాలివి
నరుడ నల్పుడను నిన్ను నమ్ముకొన్నవాడను
పరాంగ్ముఖుడ వైన నీ బిరుదమే చెడునయ్య
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.