28, సెప్టెంబర్ 2019, శనివారం
ఒక్కడ వీవు పెక్కుర మేము
ఒక్కడ వీవు పెక్కుర మేము మే
మెక్కడెక్క డున్నను దిక్కు వీవు
గొప్పలు చెప్పేమా తప్పులు చేసేమా
ఎప్పటికి బుధ్ధిరాక నెగురుచుందుమా
తిప్పలుపడు చుండు మమ్ము తిన్నగ జేసేవు
మప్పుదువు మంచిబుధ్ధి మాకు చక్కగ
ధనముల గోరేమా ధరనెల్ల దిరిగేమా
ధనపిశాచము పట్టి తల్లడిలేమా
ధనమోహమూడ్చి భక్తి ధనమిచ్చి నవ్వేవు
మనసులకు కలిగింతువు మరి యూరట
అటునిటు తిరిగేమా యలసట చెందేమా
దిటవు చెడి మాకెవ్వరు దిక్కనేమా
చటుకున నే నుంటినని చల్లగ పలికేవు
మటుమాయ మగు రామ మా యలసట
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.