ఘనులార హరిభక్తిధనులారా

ఘనులార హరిభక్తిధనులారా పరమ స
జ్జనులారా రామభజన చేయుదమా

మునులెల్ల పరమసుగుణశీలుడని పొగడు
యినకులతిలకుని జనకసుతావరుని
మనమెంతో భక్తిగ మనసారపూజించి
వినయమొప్పంగ కీర్తనలను పాడుచు

ఈరేడుజగముల నారాటపెట్టిన

ఆరావణుని దురాచారు చోరుని

పోరాడి జంపిన భూరిపరాక్రము

శ్రీరామచంద్రుని నోరార కీర్తించి 

తలచి వలచి తన్ను కొలిచిన వారిని

పిలిచి ముక్తినీయ నిలమీద వెలసిన

జలజాప్తకులతిలకు జలజాక్షు నలయక

కులుకుచు పలుకుచు పలుమరు కీర్తించి