ఊరూ పేరూ తెలియని వాడా

క్ష్	ఊరూ పేరూ తెలియని వాడా ఓ హృదయేశ్వరుడా తీరూ తెన్నూ రూపురేఖలూ తెలియని స్నేహితుడా
	నీ చెయిదంబులు చిత్రములనుచు నిత్యము విందునయా ఆ చిత్రములనె నిత్యము తలచుచు నానందింతునయా ఈ చరాచరసృష్టిని చేసిన యీశ్వరుడా ఘనుడా ఓ చెలికాడా నాకు దక్కితివి యూర నిందరుండ	ఊరూ పేరూ
	వచ్చెడి పోయెడివారు చేయు బహుభంగుల సందడితో నిచ్చట నాశాజీవుల గడబిడ లచ్చెరువులు గొలుపన్ ముచ్చట గొల్పెడు నరలోకంబున ముదమున నన్నుంచి నెచ్చెలి యీ నాటకము జూచెదవు నిచ్చలు నాతోడన్	ఊరూ పేరూ
	తామరాకుపై నీటిబొట్టువలె తత్త్వఙ్ఞు డనగు నే నేమియు నెఱుగని వారలు బలికెడి యెగ్గుల నెన్నుదునా ఓ మహాత్ముడా యీశ్వరుడా నీ వొకడవు తోడుండన్ భూమిని నింగిని పాతాళంబున పొంగుచు నేనుందున్	ఊరూ పేరూ