నీవు దయామయుడ వని నేనెఱుగుదును

నీవు దయామయుడ వని నే నెఱుగుదును

ఆ విషయము తక్క నే నన్య మెఱుగను

 

నీ నామ మది యేదో నే నెఱుగను

నే నేమని పిలువవలయు నే నెఱుగను

నీ దివ్యరూపంబును నే నెఱుగను

నీ దివ్యప్రభావమును నే నెఱుగను

నీ భావ మదియేమొ నే నెఱుగను

నా భావము లెఱుగుదువా నే నెఱుగను

౪నీతో నెవరుందురో నే నెఱుగను

నాతో కలిసుందువా నే నెఱుగను

నీ తీరుతెన్ను లేవి నే నెఱుగను

నీ తత్త్వ మదియేమొ నే నెఱుగను

నీ వెంతటి వాడవో నే నెఱుగను

నీ వెచట నుందువో నే నెఱుగను

నీ వెపుడు వచ్చెదవో నే నెఱుగను

నీ వసలు వచ్చెదవా నే నెఱుగను

నీ వార లెవ రన్నది నే నెఱుగను

నీవాడ నగుదు కాను నే నెఱుగను

నీవు నను చూచెదవో నే నెఱుగను

నీవు నను కరుణింతువొ నే నెఱుగను

నీవు నన్ను నమ్ముదువా నే నెఱుగను

నీవు నన్ను చేరెదవా నే నెఱుగను

నిన్ను రాము డందురని నే నెఱుగుదును

నిన్ను నమ్మవచ్చు నని నే నెఱుగుదును

నీ కోసమె నేనుంటిని నే నెఱుగుదును

నాకు నీవె లోకమని నే నెఱుదును

నిన్ను నేను వలతు నని నే నెఱుగుదును

నన్నెప్పుడు గ్రహింతువో నే నెఱుగను