చాటండి చాటండి జగన్నాథు వైభవం

చాటండి చాటండి జగన్నాథు వైభవం

చాటండి చాటండి సర్వేశుని వైభవం

మూడులోకముల యందును వేడుకైన వైభవం

నేడు మనకు కనువిందై నిలచిన ఘనవైభవం

వేడుకొనే మనకు సిరులు విందుచేయు వైభవం

వాడుకగా భక్తాళికి వరములిచ్చు వైభవం

శుభకరుడై యూరేగెడు ప్రభువు ఘనవైభవం

అభయంకరుడైన కృష్ణు నంతులేని వైభవం

సభలన్నిట కీర్తిగొన్న జనార్దనుని వైభవం

ప్రభల నభోమణిని మించు రమ్యమైన వైభవం

రావణాదుల పడగొట్టిన రామమూర్తి వైభవం

గోవర్ధన గిరినెత్తిన గొప్పదైన వైభవం

దేవాసురు లందరకును దిక్కగు ఘనవైభవం

దేవుడీ నారాయణుని దివ్యమైన వైభవం