నారాయణ నీనామము నాలుకపైన

 

నారాయణ నీనామము నాలుకపైన

తారాడెడు నరుడు కదా ధన్యుజీవి

వానికడకు పాడు కలి వచ్చుటలేదు

వానిజోలి కాయముడు వచ్చుటలేదు

వానిజోలి కా మరుడు వచ్చుటలేదు

వానిదరికి పాపములే వచ్చుటలేదు

వానికి విద్యలపిచ్చి వచ్చుటలేదు

వానికే సిరులపిచ్చి వచ్చుటలేదు

వానికే కీర్తిపిచ్చి వచ్చుటలేదు

వానికే దుర్గుణములు వచ్చుటలేదు

వానికే యాశలును వచ్చుటలేదు

వానికే మోహములును వచ్చుటలేదు

వానికే కష్టమును  వచ్చుటలేదు

వాని కింక పుట్టువులు వచ్చుటలేదు