మీరు రామభక్తులు మీకేమి భయము

 

మీరు రామభక్తులు మీకేమి భయము

మీ రితరుల పరిగణించు వారే కారు

ఘనముగా రామునిక్పప కలదు కదండి

జనుల ముందు చేయిజాచ పనిలేదండి

పనిలేని జనులు చాల వాగనీయండి

మనకేమని రామభజన మానకుండండి

మేటి రామ నామమే మేలు కదండి

నోట నింకొకని పేరు నుడువ నేలండి

సాటి భక్తుల సంగతి చాలు కదండి

బూటకాల మానవుల పొత్తు లేలండి

కాలుని భటు లందరిని కసిరి కొట్టండి

వీలు చూచుకొని యముని విసిరి కొట్టండి

నేల నింగి రాముని వని నిలిచి పలకండి

చాలు మరల పుట్టమని చాటి చెప్పండి