నీటముంచుము పాలముంచుము నీదేభారము
నేటి దుస్థితి నాటి నాస్థితి నీదయే ప్రభూ
అవనినుండగా నాజ్ఞచేసినా వట్లుచేసితి
పవలురాత్రులు రామ నీకునై పాడుచుంటిని
వివిధదేహముల్ దాల్చుచుంటిని వీరరాఘవ
భువనపాలన మరల స్వస్థితిన్ పొందు టెప్పుడో
నిరుపమానమౌ నీదు కరుణనే నేను నమ్మితి
పరమపావన వరప్రదాయక పతితపావన
మరల స్వస్థితిన్ పొందు వరము నిమ్మందురా ప్రభూ
శరణు శరణు నా మొరలు వినవయా స్వామి నీవికన్
చిన్న టైపోలు సరి దిద్దండి.
రిప్లయితొలగించండిభువనలాలన్,పతితపావన న,త ల బదులు ప పడింది.
మోబైల్ మీద టైపింగు వలన టైపోలు పడుతున్నాయండి. సరిచేసాను. ధన్యవాదాలు.
తొలగించండిఏమా స్వస్థితి? వివరించుడీ🙏
రిప్లయితొలగించండిస్వస్థితి అంటే ఒకప్పుడు ఉండిన నా అసలైన స్థితి. దానిని వివరించటం కష్టం.
తొలగించండి