ఆకునై గాలియలకు ఆడేది నేనే
ఆకును కదలించు గాలియలను నేనే
కలకల స్వనములతో కదలాడు ఆకుల
తులలేని పూరెమ్మ కులుకులును నేనే
యలలయలల గాలికి తలయూచు ఆకుల
తిలకించు కనుగవయు తెలియగ నేనే
గాలియలల మధ్యన గడుసుగా తోచే
మేలిసుగంధాల పూబాలయును నేనే
గాలియలలలో సుగంధాల జాడ నేనే
రోలంబమై పువుల వ్రాలునది నేనే
మునివృత్తి పొదవెనుక మునిగినది నేనే
మునినిదాచు మంచిపూపొదయును నేనే
మునితలపై వ్రాలిన పుష్పమును నేనే
మునిచిత్తమున రామమూర్తియును నేనే
