కలి కసాధ్యు డితని మరువు సొచ్చియుండుడీ
మంచిరూపు రేఖలవాడు మంచిమాట లాడువాడు
మంచివారి కెల్లప్పుడు మంచిచేయుచుండువాడు
మంచిచెడ్డ లెంచిచూచి మంచివరము లిచ్చువాడు
మంచివాడు మీరు వీని మరువుసొచ్చుడీ
కరుణగల చూపువాడు కలుషములను బాపువాడు
సురారులను దునుమువాడు కరకుశరము లున్నవాడు
పరమసాధుజనుల కెపుడు బలమునిచ్చుచుండు వాడు
మరువకుండ మీరు వీని మరువుసొచ్చుడీ
హరుడు పొగడుచుండు వాడు పరమధర్మముమూర్తి వీడు
ధరాసుతావరుడు వీడు త్రైలోక్యగురుడు వీడు
పరమపదము చేర్చువాడు పట్టాభిరాము డితడు
హరియవతార మీతని మరువుసొచ్చుడీ
