దురవగాహ్యములై తోచు నీలీలలు
హరి మేమవి తెలియునంత వారమె
అన్నిలోకములు నీ వాక్రమించుట యేమి యవి
యన్నియు నీవే యమరించినవే
చిన్నివటువై నీవు చెలగి బలికది తెలియ
పన్నిన నాటకమే వామనరూపము
పగవాడని యా రావణునణచుట యేమి అత
దొగి నీకు బంటుగా నుండు జయుడేగా
తగునని యిక వానికి తగిలిన శాపము దీర్చ
జగదీశ రాముడవై చనుదెంచి నావు
భక్తపరాధీనుడ భావించుటకు మాకు తగు
శక్తి కూడ నీవే చక్కగా నీయవలె
రక్తిమీరగా మేము రామచంద్రా హరి
ముక్తిప్రదుడా నిన్ను మొనసి సేవింతుము
