తవులుకొన్నది నిన్ను తలచుటలో రుచిని

తవులుకొన్నది నిన్ను తలచుటలో రుచిని
చవిలేని లోకవస్తుచయ మిదే  విడచినది

దివి నున్న వారలు భువి కేగు దెంఛుట
భువి నున్న వారలు దివి కేగు చుండుట
అవలోకనము సేసి యన్నిటికి మూలమై
భవపాశ మది యుంట భావించి రోసినది

కాలగతి ననుసరించి కలుగుచుండు సర్వము
కాలగతి చెందుటను కనులార జూచినది
కాలమున కనుకట్టే కాని సత్యము లేమి
మేలుగా గని మాయా జాలమును రోసినది

ఈ మహాసృష్టి నిట్లేర్పరచినది నీవే
రామచంద్ర దానికి రక్షకుడవు నీవే
ఈ మాయను దాటించే యీశ్వరుడవు నీవే
నా మన సిక నిన్నే నమ్ముకొని నిలచినది