జీవుడు మాయలోన చివురించెనా ?

	జీవుడు మాయలోన చివురించెనా సం భావింప వీని యందే ప్రభవించెనా మాయ
	ఏది సత్యమో గాని యీ మాయ జీవుని బట్టి కామాది రజ్జువుల గట్టుచున్న దయ్య యే మెఱుగని వీని నింతింత యనరాని వ్యామోహముల ద్రిప్పి బడలించుమా రామ	జీవుడు
	మాయలోన జీవుడాయె మాయకన్య మెఱుగ డాయె వేయి జన్మ లెత్తె గాని విడువకుండ వెంటనంటి కాయమనే తిత్తినిండ కమ్మియున్న గడుసుమాయ మాయమాయే తీరు దెలిపి మన్నించుమా రామ	జీవుడు
	ఆ యద్ద మట్టి ప్రకృతి యందు నీ కనాదిపురుష మాయ ప్రతిబింబోపాధిమాత్ర మని విందుమయ్య నీ యధీనమైన మాయ నెగడించు సృష్టిలోని మాయదారి జీవులకు మంచి చేయుమా రామ	జీవుడు