గుండెనే గుడి చేసుకొంటి వీవు

శైశవంబున వచ్చి చక్కగా నా చిట్టి గుండెనే గుడి చేసుకొంటి వీవు నాట గోలె నీకు నా యనుభూతుల వినుటయే పూజల గొనుట యనగ జరుగుచున్నది యెంత కరుణామయుండవు జన్మజన్మలనుండి సఖుడ వగుచు నడిపించు చున్నావు నన్ను నీ‌ త్రోవలో మాయదారుల వెంట మసల నీక ఎన్నడో యొక్క నాటికి నిన్ను జేర గల నటంచును భరియింతు గాని నాకు బాల్యములు యౌవనంబులు వార్థకములు మరలమరల వినోదించ మనసులేదు