రామున కన్యము నేమెరుగవు యిం
కేమి కావలయు నిప్పుడు నీకు
రాముని భక్తుడ వైతివిగా
యింకేమి కావలెను నీకు
రాముని సేవను కుదురుకొంటి
వింకేమి కావలెను నీకు
రాముని భక్తుల మైత్రి కల్గె
నింకేమి కావలెను నీకు
రాముని భజనకు నురుకుచుందు
వింకేమి కావలెను నీకు
రామనామమునె పలుకు జిహ్వ
యింకేమి కావలెను నీకు
రామతత్త్వమునె తలచు బుధ్ధి
యింకేమి కావలెను నీకు
రామరూపమునె వలచును కను
లింకేమి కావలెను నీకు
రామచరితమునె తడవును మది
యింకేమి కావలెను నీకు
రామకీర్తనమె చేయు భావ
మింకేమి కావలెను నీకు
రాముని తోడనె గడచు కాల
మింకేమి కావలెను నీకు
రాముని పాదము వీడవుగా
యింకేమి కావలెను నీకు
రాముని బ్రతుకున నిండించితి
వింకేమి కావలెను నీకు
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు. అజ్ఞాతల వ్యాఖ్యలు ప్రచురించబడవు