9, ఫిబ్రవరి 2022, బుధవారం

సదయహృద శ్రీరామచంద్ర కటాక్షించుమా

సదయహృదయ శ్రీరామచంద్ర కటాక్షించుమా నీ
పదాంభోజయుగళి నమితభక్తి గొలుచువాడరా

పదవులపై మోహములను సదయ తొలగించుమా హరి
పెదవులపై మోహములను సదయ తొలగించుమా అం
గదములపై మోహములను సదయ తొలగించుమా దు
ర్మదము నాలో చొరగ నీక సదయ కాపాడుమా

నిదురతో పనిలేని యటుల సదయ దీవించుమా సం
పదలతో పనిలేని యటుల సదయ కావించుమా ఆ
పదలు నను  తాకగ నీక సదయ రక్షించుమా నా
హృదయసింహ పీఠిక మీద సదయ భాసించుమా

విదుల సత్సాంగత్యము నాకు సదయ కల్గించుమా నీ
పదములే ధ్యానించు నటుల సదయ నన్నుంచుమా సొం
పొదవగా నీకీర్తి నుడువ సదయ నను చేయుమా నీ
పదమునే నేచేరు నటుల సదయ మన్నించుమా