పరవశించి సుజనులార భజనచేయరే
హరేరామ హరేకృష్ణ యనుచు పాడరే
పుంసాంమోహనరూప పురుషోత్తమ శ్రీరామ
హింసావిదూరహరి ఇనకులవిభూషణ యని
సంసారపంకవిశోషణభాస్కర శ్రీకృష్ణ
కంసాదిదానవగణధ్వంసనబహునిపుణ యని
నిరుపమానందకంద నిర్మోహ నిరంజన యని
పరమేశ్వర సుప్రకాశ భక్తజనాశ్రయ యని
పరంతప పరాత్పర సురాసురైకవంద్య యని
కరుణామయ నిరుపమానఘనవిక్రమశోభిత యని
కలియుగమున హరినామము కన్న రక్ష లేద కద
పలికినచో హరినామము భవబంధము తెగును కద
నలువ యిచ్చిన నాలుకకు నారాయణ యనిన కద
ఫలము దక్కు సుజనులార భజనచేయండి మీరు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.